Futbollisti i Napoli-t, Kalidou Koulibaly, është vetëm një hap larg transferimit te skuadra londineze e Chelsea-t.
Mediat afër klubit blu kanë raportuar që tashmë ata janë shumë afër që të arrijnë marrëveshjen me Napoli-n, me Koulibaly-n që do të nënshkruante kontratë tre-vjeçare.
Koulibaly ka tash e gjithë verën që lidhet me një lëvizje larg Napoli-t, por në fillim klubi Italian hezitoi që të vendoste për shitjen e tij.
Mirëpo, tani duket se ata janë pajtuar me faktin që 31-vjeçari do të largohet dhe skuadra që përmbush kushtet për transferimin e tij është pikërisht Chelsea.
Dy herë kampionët e Europës gjatë kësaj verë humbën Andreas Christensen te Barcelona dhe Antonio Rudiger te Real Madrid, dhe tani po kërkojnë që të përforcojnë mbrojtjen.
Për qendër mbrojtësin nga Senegali, ekipi i drejtuar nga Thomas Tuchel pritet të paguaj rreth 40 milionë euro, ndwrsa, përveç tij në listë janë edhe Jules Kounde dhe Matthijs De Ligt.