Kryetari i Partisë Demokratike të Kosovës, Memli Krasniqi ka reaguar pas vrasje se gruas shtatzënë në oborrin e QKUK-së, ku këtë vrasje ai e ka quajtur “tragjike, mizore, çnjerëzore!”.
“Dhuna me bazë gjinore është alarm urgjent për të gjitha institucionet e shtetit. Duhet të veprohet sot. Shpejtë. Pa kompromis!”, ka shkruar Krasniqi në Facebook
Sipas tij, ai ka mbetur pa fjalë nga kjo vrasje makabër ku dyshohet se ish-burri e ka vrarë ish-gruan e tij shtatëzënë.
“Megjithëse është vështirë të gjendet dënim që shpaguan këtë krim makabër, ftoj organet e drejtësisë të reagojnë me tërë fuqinë dhe kompetencën e tyre ndaj autorit”, ka theksuar ai.
Krasniqi i ka shprehur ngushëllime të thella familjes së viktimës për humbjen e familjares së tyre.