Ministri i Administrimit të Pushtetit Lokal, Elbert Krasniqi, gjatë kësaj të marteje është takuar me përfaqësuesit diplomatikë të shteteve të QUINT-it dhe të zyrës së BE-së në Kosovë.
Në këtë takim është diskutuar për zhvillimet e fundit në vend dhe iniciativat e grupeve nismëtare në komunat e Mitrovicës së Veriut, Leposaviqit, Zubin Potokut dhe Zveçanit.
Ministri Krasniqi ka theksuar se mbeten të përkushtuar që të ndërmarrin veprimet e nevojshme që vullneti i qytetarëve të realizohet bazuar në udhëzimin administrativ.
“Ne mbesim të përkushtuar që të ndërmarrim të gjitha veprimet dhe vendimet e nevojshme që vullneti i qytetarëve të realizohet bazuar në udhëzimin administrativ”, ka shkruar ministri i Administrimit të Pushtetit Lokal.