Presidentja e Kosovës, Vjosa Osmani, kryeparlamentari Glauk Konjufca dhe kryeministri Albin Kurti, kanë vazhduar me nderime për nder të 16-vjetorit të shpalljes së pavarësisë së Kosovës.
Fillimisht, ata bënë nderime te Monumenti “Heroinat” e më pastaj vazhduan për nderime te Monumenti i Policëve të rënë në detyrë.
Në këto nderime ka marrë pjesë edhe ambasadori i Britanisë së Madhe në Kosovë, Nicholas Abbott.
Po ashtu, edhe drejtori i Përgjithshëm i Policisë, Gazmend Hoxha, me rastin e përvjetorit të Pavarësisë së Kosovës, ka bërë nderime te Monumenti i Policëve të rënë në detyrë.
Krerët e shtetit në urimet e tyre në 16-vjetorin e pavarësisë janë shprehur falënderues edhe ndaj aleatëve ndërkombëtarë “që ndihmuan në ndërtimin e shtëpisë sonë të përbashkët – Republikë e Kosovës”.
Krerët e shtetit urojnë 16-vjetorin e Pavarësisë: Republikën e ndërtuam me ndihmën e aleatëve