Avni Kastrati, ushtruesi i detyrës së drejtorit ekzekutiv të Agjencisë së Statistikave të Kosovës, ka bërë thirrje që qytetarët të marrin pjesë në regjistrimin e popullsisë.
Sipas Kastratit, pjesëmarrja në regjistrim përveç që është obligim qytetar njëherit është edhe obligim ligjor.
“Regjistrimi i popullsisë është një e mirë publike që u shërben pothuajse të gjithë shfrytëzuesve në forma të ndryshme. Pjesëmarrja në regjistrim përveç që është obligim qytetar njëherit është edhe obligim ligjor”, ka thënë Kastrati.
Regjistrimi i popullsisë do të realizohet nga data 5 prill deri më 17 maj 2024.
“Regjistrimi i popullsisë do të realizohet përmes tabletëve ku regjistruesit do të vizitojnë ekonomitë familjare. Pra, ata do të trokasin në çdo derë dhe do të kërkojnë nga anëtarët e ekonomive familjare që të përgjigjen në pyetje të zakonshme”, ka njoftuar Agjencia e Statistikave të Kosovës.