Kompania Rajonale e Ujësjellsit “Prishtina”, të shtunën e 23 korrikut ka bërë kërkesë për shpenzim racional të ujit të pijshëm.
“Sot, si gjithnjë, kërkojmë shpenzim racional të ujit të pijshëm”.
“Të ua mundësojmë secilit konsumator të ketë furnizim me ujë, në këtë kohë me temperatura mjaft të larta”, thuhet në postimin e KRU “Prishtina”.
KRU “Prishtina” ka njoftuar se në çdo pikë trajtimi, në të gjitha qytetet, po trajtojnë ujë me kapacitet maksimal.
“Pavarësisht kapacitetit maksimal në trajtim dhe shpërndarje ,temperaturat e larta po shoqërohen me kërkesë jashtëzakonisht të madhe për ujë, rrjedhimisht edhe keqpërdorime të larta’.
Sipas KRU “Prishtina” kjo është arsyeja pse disa zona të larta të furnizimit kanë mungesë të ujit të pijshëm.
Mehaj apelon qytetarët që të kenë kujdes në shpenzimin racional të ujit