Ministri i Punëve të Jashtme i Maqedonisë së Veriut, Bujar Osmani, ka reaguar pas dakordimit të palëve negociuese nga Kosova dhe Serbia për ta pranuar planin evropian të hënën e 27 shkurtit në Bruksel.
“Përshëndes përparimin e djeshëm të Kosovës dhe Serbisë të arritur në Bruksel”, ka shkruar kryediplomati nga Maqedonia e Veriut.
Më tej, ai ka thënë se Maqedonia e Veriut përkrah të dy vendet, sepse është vendi fqinj i afërt i Kosovës dhe i Serbisë.
“Si një fqinj i afërt i të dy vendeve, ne inkurajojmë një përparim përfundimtar, duke qëndruar gati për të ndihmuar në interesin më të mirë dhe perspektivën e Bashkimin Evropian e të gjithë rajonit”, ka përfunduar Osmani.