Kryeministri sllovak, Robert Fico, është larguar nga spitali në qendër të vendit, dy javë pasi u plagos rëndë nga të shtënat me armë.
Kryeministri Fico është zhvendosur në kujdesin shtëpiak, kështu ka thënë për Reuters spitali të premten.
Ai u transportua nga qyteti i Banska Bystrica për të vazhduar shërimin e tij në kryeqytetin Bratislavë.
59-vjeçari u la duke luftuar për jetën e tij pasi u qëllua katër herë nga një distancë e afërt në qytetin qendror të Handlova më 15 maj, pas një takimi qeveritar.
Fico thuhet se i është nënshtruar një sërë operacionesh.
Nuk është e qartë nëse ai është në banesën e tij në Bratislavë apo është transferuar në një spital tjetër, raporton BBC.
Politikani veteran, i cili ka shërbyer si kryeministër për më shumë se 10 nga 18 vitet e fundit, u rikthye në pushtet shtatorin e kaluar në krye të një koalicioni populist-nacionalist.
Sllovakia është bërë gjithnjë e më e polarizuar muajt e fundit dhe sulmi vetëm sa ka thelluar tensionet.
Sulmuesi i tij i dyshuar, i quajtur nga mediat lokale si 71-vjeçari, Juraj Cintula, është lënë në paraburgim i akuzuar për tentim vrasje.