Të martën e gjashtë dhjetorit, Kryesia e Kuvendit të Kosovës, duke filluar nga ora 09:30, do të mblidhet për të diskutuar mbi pikat e papërfunduara nga disa seanca, si dhe për përgatitjet për seancën e re plenare.
Në mesin e shumë pikave, në rend dite do të jetë shqyrtimi i Vendimit të Qeverisë së Republikës së Kosovës, për zgjatjen e masave emergjente në furnizimin e energjisë edhe për 30 ditë dhe shqyrtimi i parë i Projektligjit për faljen e masave ndëshkimore të vendosura gjatë periudhës së Pandemisë COVID-19.
Rendi i ditës
I. Miratimi i procesverbaleve nga mbledhjet e mëparshme
II. Pikat e papërfunduara nga Seanca plenare, e mbajtur më 7 dhe 24 tetor dhe 18 nëntor 2022,
III. Pikat e papërfunduara nga Seanca plenare, e mbajtur më 15, 22, 23 shtator 2022,
IV. Pikat e papërfunduara nga Seanca plenare, e mbajtur më 14 tetor 2022,
V. Pikat e papërfunduara nga Seanca plenare, më 10 dhe 24 nëntor 2022,
VI. Propozimi i rendit të ditës për Seancën plenare të radhës,
VII. Shqyrtimi i propozimeve dhe i kërkesave.