Kryetari i komunës së Zveçanit, Ilir Peci, ka marrë vendim për shkarkimin e nënkryetares së komunës, Sladjana Pantoviq, sipas tij, për shkak të “mospërmbushjes së detyrave nga ana e saj, tejkalimit të kompetencave, si dhe mospunës në shërbim të të gjithë qytetarëve të komunës”.
“Sot kam vendosur që ta shkarkoj nga detyra nënkryetaren e komunës, zonjën Sladjana Pantovic. Ky vendim vjen si pasojë e mospërmbushjes së detyrave nga ana e saj, tejkalimit të kompetencave, si dhe mos punës në shërbim të të gjithë qytetarëve të komunës”, ka thënë ai.
Peci shtoi se ai do “të vazhdoj të punoj dhe shërbej bazuar në obligimet, detyrat dhe kompetencat e mia si kryetar i të gjithë qytetarëve të Komunës së Zveçanit, pa dallim”.