Si shkak i temperaturave të larta, Ministria e Infrastrukturës ka kufizuar qarkullimin në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T.
Ky vendim i MI-së vlen nga nesër deri më 31 korrik nga ora 11:00 deri në ora 17:00.
Këtë e ka bërë të ditur zv.ministri i Infrastrukturës, Hysen Durmishi.
Ky vendim thuhet se është marrë me qëllim të ruajtjes së rrugëve nga dëmtimet si rezultat i temperaturave të larta.
“Bazuar në rekomandimet e Departamentit për Menaxhimin e Rrugëve dhe Policisë së Kosovës, me qëllim të ruajtjes së rrugëve nga dëmtimet si rezultat i temperaturave të larta kemi marrë vendim: Ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T.
Ky vendim vlenë nga data 14 korrik 2024 deri më 31 korrik 2024 për periudhën nga ora 11:00 deri në ora 17:00″, ka shkruar Durmishi në Facebook.
