Kulla Eiffel në errësirë për shkak të krizës energjetike

Gjersa Evropa përballet me rritjen e çmimeve të energjisë, kriza do të detyrojë Kullën Eiffel, një nga monumentet më të vizituara në botë, dritat vezulluese të së cilës karakterizojnë natën në horizontin e Parisit, të errësohet herët

Eiffel Tower, Paris

Kulla Eifel do të errësohet më shumë se një orë më herët se zakonisht për shkak të krizës energjetike të rënduar nga pushtimi rus në Ukrainë.

Kulla Eifel aktualisht ndriçohet pasi të errësohet deri në orën 1 të mëngjesit nga një sistem ndriçimi i ndërlikuar që i jep asaj një shkëlqim të artë falë 20 mijë llambave ndriçuese.

Bashkia e qytetit pritet të propozojë që kulla të errësohet në orën 23:45 kur të largohen vizitorët e fundit, që do të thotë se ajo nuk do të vezullojë më në mesnatë.

Eiffel Tower, Paris

Lëvizja për të zvogëluar ndriçimin shihet si një mënyrë për të dhënë një shembull për reduktimin e ndriçimit të qytetit në përgjithësi.

Jean-François Martins, kreu i menaxhimit të kullës, tha për The Guardian: “Është një gjest shumë simbolik – pjesë e ndërgjegjësimit në rritje rreth kursimit të energjisë”.

Ndriçimi gjatë natës i monumentit përbën 4% të konsumit vjetor të energjisë. Kulla, e cila u përfundua në vitin 1889, është rikthyer në numrin e vizitorëve që vinin para Covid-it në më shumë se 20 mijë vizitorë në ditë.

Autoritetet e tjera të qytetit po reduktojnë gjithashtu ndriçimin gjatë natës në vende të rëndësishme. Monumentet në Marsejë, përfshirë Pallatin Pharo, do të fikin dritat më herët nga fundi i shtatorit për të kursyer energji.

Në Berlin këtë verë, ndriçimi gjatë natës u reduktua në disa monumente, duke përfshirë Victory Column, Kishën Përkujtimore të Kaiser Wilhelm dhe Jewish Museum.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika