Tashmë edhe zyrtarisht është konfirmuar 18 marsi si data e takimit në Ohër, në mes të kryeministrit të Kosovës, Albin Kurti dhe presidentit të Serbisë, Aleksandër Vuciq.
Takimi i cili do të zhvillohet në kuadër të dialogut, pritet të diskutohet për planin e zbatimit të marrëveshjes të propozuar nga BE.
Sipas njoftimit të BE-së, Kuti dhe Vuçiq e kanë konfirmuar pjesëmarrjen e tyre.
Në njoftimin e tyre thuhet edhe se së pari përfaqësuesi i Lartë dhe përfaqësuesi Special i BE-së, Miroslav Lajçak, do të zhvillojnë takime të veçanta me Kurtin dhe Vuçiq, dhe pastaj do të pasojë edhe takimi i përbashkët trepalësh.
“Përfaqësuesi i Lartë dhe përfaqësuesi Special i BE-së, Miroslav Lajçak, do të zhvillojnë takime të veçanta me liderët, pasuar nga një takim i përbashkët trepalësh. Takimi do të fokusohet në finalizimin e Aneksit Zbatues të Marrëveshjes së BE-së për rrugën drejt normalizimit të marrëdhënieve ndërmjet Kosovës dhe Serbisë”, thuhet në njoftim.