Kryeministri i Kosovës, Albin Kurti, në adresimin e tij në mbledhjen e qeverisë ka thënë se hapja e urës së Ibrit nuk është kundër askujt, aq më pak kundër partnerëve ndërkombëtarë.
Kurti ka thënë se Qeveria e Kosovës do të vazhdojë konsultimet dhe koordinimet me partnerët e saj.
Sipas Kurtit, Kosova është shtet normal dhe se si i tillë duhet t’i ketë edhe urat normale, të hapura.
“Qeveria dhe unë besojmë se liria e lëvizjes dhe sundimi i ligjit në njërën anë dhe paqja e siguria në anën tjetër janë të mundura bashkë dhe të duhura për vendin, shoqërinë dhe shtetin, qytetarët dhe komunitetet. Do të vazhdojmë diskutimet dhe koordinimin me partnerët tanë. Hapja e urës nuk është kundër askujt, aq më pak partnerëve tanë. Kosova është shtet normal dhe urat e saj duhet të jenë normale, që do të thotë të hapura”, ka thënë Kurti.