Kryeministri i Kosovës, Albin Kurti e ka përshëndetur, thirrjen e Gjermanisë, Francës dhe Polonisë, të cilat ndryshe njehen dhe si i ‘Trekëndësh i Weimarit’, këto tri shtete kanë bërë thirrje për progres në çështjen e liberalizimit të vizave për Kosovën, të premten 16 shtatorit një deklaratë të përbashkët.
Ndërsa kryeministri Kurti, ka shkruar në rrjetin e tij, social Twitter se është duke e pritur me padurim një vizitë nga krerët e tre vendeve në Republikën e Kosovës.
“Pres me padurim vizitën e tyre të përbashkët”, ka shkruar ai.
“E mirëpres riafirmimin e liberalizimit të vizave për Kosovën, përkushtimin e qartë për zgjerimin e BE-së, Procesin e Berlinit dhe Tregun e Përbashkët Rajonal nga Ministrat për Çështje Evropiane të Trekëndëshit të Weimarit”, ka përfunduar Kurti.
I welcome the reaffirmation of visa liberalisation for Kosova, the clear commitment to EU enlargement, the Berlin Process & the Common Regional Market by Ministers for European Affairs of the Weimar Triangle 🇩🇪🇫🇷🇵🇱. I look forward to their joint visit.https://t.co/lDBVP2SjAs
— Albin Kurti (@albinkurti) September 16, 2022
Franca, Gjermania dhe Polonia të premten përmes një deklarate të përbashkët kanë kërkuar progres për liberalizimin të vizave për Kosovën.
Po ashtu, këto tri shtete, në komunikatën e tyre kanë thënë se janë të përkushtuara ndaj Procesit të Berlinit.
Këto tri shtete sipas njoftimit pritet ta vizitojnë Ballkanin që t’i forcojnë raportet e Bashkimit Evropian me Ballkanin.
“Ne bëjmë thirrje për progres në lidhje me liberalizimin e vizave për Kosovën. Vendet tona janë të përkushtuara fuqishëm ndaj Procesit të Berlinit si një mjet shtesë për të nxitur bashkëpunimin rajonal dhe anëtarësimin në BE të vendeve të Ballkanit Perëndimor; ne theksojmë rëndësinë e zbatimit të vendimit historik nga gjashtë vendet e Ballkanit Perëndimor për të krijuar një treg të përbashkët rajonal”, thuhet në komunikatë.
Gjermania, Franca dhe Polonia kërkojnë progres për liberalizimin e vizave për Kosovën