Kryeministri i Kosovës, Albin Kurti ka njoftuar se ndërtesa e qeverisë mbrëmë është ndriçuar me emrat e 23 pjesëtarëve të Policisë së Kosovës që kanë rënë gjatë kryerjes së detyrës.
Shefi i ekzekutivit ka thënë se policëve të rënë në kryerje të detyrës u takon lavdia e përjetshme, ndërsa “neve shërbimi i përditshëm”.
“Në shënim të Ditës Memoriale të Policëve të Rënë në Kryerje të Detyrës, mbrëmë ndërtesa e Qeverisë u ndriçua me emrat e 23 heronjve të ditëve tona, që dëshmuan përkushtimin për rend dhe ligj deri në sakrificë. Atyre u takon lavdia e përjetshme, neve shërbimi i përditshëm”, ka thënë Kurti.