Kryeministri i Kosovës, Albin Kurti gjatë qëndrimit të tij në Athinë të Greqisë është takuar me presidenten e Komisionit Evropian, Ursula von der Leyen.
Këtë e bëri të ditur vetë kryeministri përmes një postimi në rrjetin social “X”.
Kryeministri Kurti me presidenten Von der Leyen kanë diskutuar për marrëdhëniet dypalëshe, bashkëpunimin rajonal, planin e rritjes së BE-së për BB6 dhe dialogun.
Kreu i ekzekutivit ka shtuar se për çështjen e fundit ka theksuar rëndësinë e zbatimit të plotë dhe të pakushtëzuar të Marrëveshjes Bazë.
A pleasure to meet w/ @EU_Commission President Ursula @vonderleyen in Athens. We discussed bilateral relations, regional cooperation, the EU growth plan for WB6 & the dialogue. On the latter, I emphasized the importance of full & unconditional implementation of the Basic Agrmt. pic.twitter.com/ctd7K56dv4
— Albin Kurti (@albinkurti) August 21, 2023
Kryeministri Kurti është takuar edhe me homologun e tij, kryeministrin e Greqisë Kyriakos Mitsotakis, me të cilin ka diskutuar për marrëdhëniet ndërmjet Kosovës dhe Kroacisë, dhe potencialin që dy vendet kanë për thellim e konkretizim të mëtejmë të tyre.
“Kurti e njoftoi kryeministrin Plenkoviq për progresin dhe arritjet e vendit në rrafshin ekonomik dhe demokratik, me theks qeverisjen dy vjeçare. Ai e uroi homologun e tij dhe Kroacinë që së fundmi u bë anëtarja e 20-të e Eurozonës dhe anëtarja e 27-të e zonës Schengen, teksa e cilësoi këtë si një arritje të madhe të Kroacisë dhe Kroacinë si një model për t’u ndjekur. Të dy ndanë këndvështrimet e tyre mbi zhvillimet gjeopolitike në rajon dhe sfidat me të cilat ballafaqohet rajoni, duke mbetur të përkushtuar për bashkëpunim të afërt, në shërbim të interesave të përbashkëta dhe në linjë me Bashkimin Evropian dhe NATO-n”, thuhet në njoftimin e zyrës së kryeministrit.