Kryeministri i Kosovës, Albin Kurti, para se të fillojë Samiti i liderëve të Ballkanit Perëndimor dhe Bashkimit Evropian që po mbahet në Mal të Zi, ka thënë se Plani i Rritjes së BE-së është mundësi për Ballkanin Perëndimor.
Po ashtu, ai ka thënë se ky samit rajonal është një mundësi e mirë për Ballkanin Perëndimor drejt integrimit në BE.
“Ky samit është një mundësi e madhe për të gjitha vendet e Ballkanit Perëndimor për të diskutuar si mund të integrohen më tej, duke i bërë reformat në shtëpi dhe si mund të bëjmë më mirë drejt BE-së”, ka thënë Kurti.
Ai ka thënë se 25 vjet më parë ka qenë i burgosur politik dhe i luftës nga regjimi i Millosheviqit.
“25 vjet më parë isha burgosur politik e më pas i burgosur i luftës në atë kohë kur ushtrohej gjenocidi i Millosheviqit”, ka vijuar Kurti.
Kurti ka folur edhe për procesin e Berlinit që këtë vit shënon 10-vjetorin.
Shefi i ekzekutivit ka përmendur se Bosnja e Hercegovina nuk e ka miratuar marrëveshjen për lirinë e lëvizjes me letërnjoftime.
Kryeministri Albin Kurt, po qëndron në Mal të Zi, për të marrë pjesë në Samitin e Liderëve të Ballkanit Perëndimor dhe Bashkimit Evropian.
Ai të mërkurën ka marrë pjesë darkën me liderë, të shtruar nga kryeministri i Malit të Zi, Milojko Spajiç.