Kryeministri i Kosovës, Albin Kurti, është takuar të shtunën me komandantin e KFOR-it, gjeneralmajorin Ozcan Ulutas, me të cilin ka diskutuar për zhvillimet e fundit në aspektin e sigurisë.
Teksa ka njoftuar për takimin, misioni i NATO-s në Kosovë ka thënë se “komandanti i KFOR-it ka theksuar rëndësinë e koordinimit dhe bashkëpunimit të vazhdueshëm dhe efektiv me të gjitha institucionet e sigurisë, përfshirë KFOR-in dhe EULEX-in”.
“Komandanti ka konfirmuar që KFOR është duke monitoruar nga afër situatën dhe mbetet i gatshëm për të vepruar në përputhje me mandatin e vet, të bazuar në Rezolutën 1244 të Këshillit të Sigurimit të OKB-së, për të ruajtur një ambient të sigurt për të gjitha komunitetet në Kosovë dhe lirinë e lëvizjes”, thuhet në njoftimin e KFOR-it në rrjetin social “X”.
Ndryshe, Shtetet e Bashkuara të Amerikës kanë shprehur dronë se Kosova rrezikon të përballet me tensione të reja, pas hyrjes në fuqi të rregullores së re të Bankës Qendrore të Kosovës për ndalimin e dinarit serb, me të cilën valutë Serbia paguan serbët në Kosovë.
Ambasadori amerikan në Kosovë, Jeff Hovenier, ka paralajmëruar se “mund të ketë pasoja që nuk janë menduar plotësisht“, teksa ka folur në lidhje me këtë rregullore të BQK-së, e cila ka hyrë në fuqi nga 1 shkurti.
Today, the Commander of the @NATO_KFOR, met @albinkurti to discuss the latest security developments.
The KFOR Commander highlighted the importance of continued and effective coordination and cooperation across security institutions, including with KFOR and EULEX. pic.twitter.com/nW1NcSXTNH— NATO Kosovo Force – KFOR (@NATO_KFOR) February 3, 2024