Kryeministri në detyrë i Kosovës, Albin Kurti, ka ngritur shqetësime lidhur me mundësinë e provokimeve dhe incidenteve gjatë tubimit në Gazimestan me rastin e festës serbe të Vidovdanit.
Gjatë mbledhjes së sotme të Qeverisë, ai tha se institucionet e sigurisë dhe inteligjencës kanë vlerësuar se ka përpjekje që ky tubim të jetë masiv dhe potencialisht i rrezikshëm.
“Në fundjavë shënohet Dita e Vidovdanit. Beogradi zyrtar po përpiqet që ta zhvendosin vëmendjen diku tjetër për të ulur përmasat e protestës së studentëve. Sipas vlerësimeve të sigurisë ka përpjekje që tubimin në Gazimestan të jetë sa më masiv. Janë organizuar grupe nga Serbia që të vijnë nesër në Kosovë. Nuk do të tolerojmë veprime që cenojnë paqen publike në Kosovë”, ka thënë Kurti.