Drejtori i Agjencisë Kadastrale të Kosovës, Avni Ahmeti, ka bërë të ditur se gjatë këtij viti institucioni që ai drejton po realizon disa projekte të rëndësishme për qytetarët e vendit.
“Agjencia Kadastrale e Kosovës këtë vit realizon disa projekte që kanë rëndësi për qytetarët e këtij vendi,” tha Ahmeti.
Ai veçoi projektin e zhvillimit të sistemit të informacioneve kadastrale për tokat në Kosovë, i cili, sipas tij, do ta modernizojë tërësisht ofrimin e shërbimeve.
“Një prej projekteve që është në zhvillim e sipër është edhe zhvillimi i sistemit të informacioneve kadastrale për tokat në Kosovë. Me këtë projekt synohet të bëhet digjitalizimi i të gjitha shërbimeve kadastrale dhe kështu, prej fundit të këtij viti, asnjë qytetar të mos ketë më nevojë me shku nëpër sportelet e zyreve kadastrale komunale për me marrë shërbime kadastrale,” u shpreh drejtori Ahmeti.