Zëdhënësi i Partisë Demokratikë të Kosovës (PDK), Faton Abdullahu, ia ka llogaritur të gjitha premtimet që kryeministri Albin Kurti i kishte bërë sa kishte qenë në opozitë.
Zëdhënësi i PDK-së, Faton Abdullahu, ka shkruar në rrjetin e tij social Facebook se “Kurti premtoi shpresë ofroi zhgënjim”.
Ai ka shkruar se Kurti kishte thënë se “nuk ka dialog pa kushte dhe kërkim falje të Serbisë, përfundoi në dialog teknik”.
Abdullahu ndër të tjera ka thënë se, Kurti kishte thënë se kur të vinte ai në pushtet, do të zbriste çminimin e energjisë, por, me qeverinë e Kurti ka vetëm terr dhe ngritje enorme të çmimit.
Gjithashtu, sipas Abdullahut, Kurti kishte premtuar “ulje të çmimeve të produkteve ushqimore, të gjitha çmimet po ngritën gjatë qeverisjes së tij”.
“Mungesa e kompetentencës dhe dijes po e degradon secilën sferë të jetës politike, shoqërore e shtetërore, çdo ditë. Përtej mashtrimit, qytetarët sot, po jetojnë më keq, më të pasigurt për të ardhmen dhe me frikë për gjendjen e tyre”, ka shkruar ai në Facebook.
“Si ta quajmë këtë Kryeministër dhe këtë Qeveri me këto rezultate, me ndryshime drastike mes premtimeve dhe qeverisjes? Keq, shumë keq! Premtoi shpresë ofroi zhgënjim”.
Sipas tij, Kurti ka bërë gjithçka vetëm për vota sepse Ky kryeministër dhe kjo Qeveri, e ka bërë të kundërtën kur ka ardhur në pushtet.