Kryeministri i Republikës së Kosovës, Albin Kurti, ka shprehur ngushëllimet e tij për ngjarjen tragjike në Beograd që ndodhi të mërkurën.
Më 3 maj në Beograd të Serbisë, një adoleshent 14-vjeçar vrau në shkollë 8 nxënës dhe rojën e sigurisë, si dhe ka plagosur disa të tjerë. Lidhur me këtë, Kurti ka shprehur ngushëllimet e tij, gjersa ka uruar shërim të shpejtë për të plagosurit.
”Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike“, ka shkruar Kurti në Twitter, të enjten.
I'd like to express my deepest condolences to the victims of the school shooting in Belgrade and to their families. I also wish a very speedy recovery to those injured in this tragic event.
— Albin Kurti (@albinkurti) May 4, 2023
14-vjeçari la të vdekur tetë nxënës dhe plagosi shtatë të tjerë. Armën që e përdori për ta kryer krimin e kishte marrë nga babai.