Kryeministri i Kosovës, Albin Kurti, është shprehur i tronditur nga sulmi në Teksas, të mërkurën e 25 majit, ku mbetën të vrarë të paktën 21 persona.
Me anë të një postimi në llogarinë e tij në Twitter, i pari i ekzekutivit teksa e ka dënuar sulmin, u ka shprehur ngushëllime familjeve të viktimave.
“I tronditur nga brutaliteti i të shtënave në shkollë në Uvalde, Teksas, që mori jetën e fëmijëve dhe të rriturve të pafajshëm. Në këto kohë të vështira, zemrat dhe mendjet tona janë me familjet e viktimave dhe popullin amerikan. Ngushëllimet më të sinqerta nga populli i Kosovës”, ka shkruar Kurti.
Shocked by the brutality of the school shooting in Uvalde, Texas, which took the lives of innocent children & adults.
In these difficult times, our hearts & minds are with the families of the victims & the American people. Sincerest condolences from the people of Kosova.
— Albin Kurti (@albinkurti) May 25, 2022
Lidhur me këtë sulm, kishte reaguar edhe presidentja e Kosovës, Vjosa Osmani.
Ajo ka shprehur dhimbjen e saj, duke thënë se lutjet tona janë me familjet e të gjithë atyre që u vranë padrejtësisht.
“E shkatërruar nga lajmi për të shtënat në një shkollë në Teksas. Lutjet tona janë me familjet e fëmijëve dhe të rriturve, jetët e të cilëve iu dhanë fund padrejtësisht. Ne ndajmë dhimbjen e popullit amerikan dhe pikëllimin me miqtë tanë në këtë kohë” është shprehur Osmani përmes postimit.
Devastated by the news of the shooting in a school in Texas.
Our thoughts are with the families of the children & adults whose lives were unjustly brought to an end before their time.
We share the pain of the American people & mourn with our friends at this time.
— Vjosa Osmani (@VjosaOsmaniPRKS) May 25, 2022
Në një fjalim nga Shtëpia e Bardhë, presidenti amerikan Joe Biden ka thënë se “është i trishtuar dhe lodhur” duke iu përgjigjur rasteve të të shtënave në masë, duke bërë thirrje për kontroll mbi armët.
“Sa fëmijë të vegjël që panë atë ndodhi – që shohin shokët e tyre duke vdekur, sikur në një fushëbetejë, për hir të Zotit. Ata do të jetojnë gjithë jetën me këtë kujtim”, ka thënë Bideni.
Ai urdhëroi uljen e flamujve në gjysmështizë në nderim të viktimave.
Për nder të viktimave në Teksas, Ambasada amerikane në Prishtinë ngreh në gjysmështizë flamurin.
Today our flag flies at half mast to honor the victims of the senseless acts of violence perpetrated by a gunman at Robb Elementary School in Uvalde, Texas yesterday. https://t.co/szT2JvrS7h pic.twitter.com/CON8fpQWeg
— U.S. Embassy Pristina (@USEmbPristina) May 25, 2022
Rasti ka ndodhur në Uvalde, në jug-perëndim të shtetit, ditën e martë të 24 majit.
Autori i armatosur nga Uvalde, ka qëlluar dhe ka vrarë në mënyrë të pakuptueshme 21 persona, pastaj edhe 18-vjeçari u vra nga oficerët kundërpërgjegjës, ka thënë Abott.
Spitali përkujtimor në Uvalde ka bërë të ditur se janë pritur 13 fëmijë me ambulancë për trajtim, ata kanë bërë të ditur se dy studentë vdiqën, ndërsa në një spital tjetër, në Spitalin Universitar, një grua 66-vjeçare ishte në gjendje të keqe.
Ky sulm erdhi disa ditë pas sulmit në një supermarket në Buffalo të Neë York-ut, ku ishin vrarë rreth 10 persona.