Kryeministri i Kosovës, Albin Kurti, do të takohet sot me kryetarin e Lidhja Demokratike e Kosovës, Lumir Abdixhiku.
Temë e diskutimit do të jetë çështja e zgjedhjes së presidentit të ri të Kosovës.
Javën e kaluar, Kurti kishte zhvilluar një takim me Abdixhikun, por biseda nuk pati epilog për këtë çështje. Ai është takuar gjithashtu dy herë me kryetarin e Partia Demokratike e Kosovës, Bedri Hamza, por ende nuk është arritur një dakordim lidhur me çështjen e presidentit.
Kurti ka përmendur edhe emrin e Murat Jasharit si kandidat mbi-partiak për president, por ky i fundit e kishte refuzuar kandidaturën.
Tashmë, Kurti ka kërkuar që secila parti ta ketë kandidatin e tyre.
Afati për zgjedhjen e Presidentit përfundon më 4 mars, dhe mosfinalizimi i këtij procesi do ta detyrojë Kosovën të mbajë zgjedhje të jashtëzakonshme brenda 45 ditëve.