Kryeministri i Kosovës, Albin Kurti, ka pritur në takim dje, shefin e misionit të OSBE në Kosovë, ambasadorin Michael Davenport.
Ambasadori Davenport dhe kryeministri Kurti kanë diskutuar mbi temat aktuale në Kosovë, përfshirë fazën transitore dhe informuese të zbatimit të rregullores së Bankës Qendrore, dhe fushat e bashkëpunimit.
Sipas njoftimit të Kryeministrisë, në këtë takim është theksuar rëndësia e komunikimit efektiv me publikun, me ç ‘rast u përmend videomesazhi i kryeministrit drejtuar komunitetit serb në Kosovë në gjuhën serbe, në lidhje me përmbajtjen, qëllimet dhe zbatimin e rregullores në fjalë.
Kryeministrit Kurti e ka falënderuar ambasadorin Davenport për bashkëpunimin e afërt dhe mbështetjen e vazhdueshme në projekte dhe fusha me interes të përbashkët.