Kryeministri i Kosovës, Albin Kurti, ka zhvilluar një takim me ministrin e Jashtëm të Gjermanisë, Johann Wadephul.
Sipas njoftimit të Zyrës së Kryeministrit, gjatë takimit është biseduar për marrëdhëniet bilaterale ndërmjet dy vendeve, si dhe për çështje që lidhen me sigurinë, mbrojtjen, procesin e zgjerimit të Bashkimit Evropian dhe Procesin e Berlinit.
Në komunikatë thuhet gjithashtu se kryeministri Kurti ka shprehur mirënjohjen për kontributin dhe mbështetjen e vazhdueshme që Gjermania i ka dhënë Kosovës.
Komunikata:
Kryeministri Kurti u takua me Ministrin për Punë të Jashtme të Gjermanisë, Johann Wadephul
Mynih, 14 shkurt 2026
Me Ministrin për Punë të Jashtme të Gjermanisë, Johann Wadephul, Kryeministri i Republikës së Kosovës, Albin Kurti, diskutoi rreth marrëdhënieve bilaterale, çështjeve të sigurisë dhe mbrojtjes, zgjerimin e BE-së dhe Procesin e Berlinit.
Kryeministri Kurti shprehu mirënjohjen për kontributin dhe mbështetjen e vazhdueshme të Gjermanisë ndaj Kosovës.
Ky ishte takimi i dytë bilateral i mbajtur mes tyre në muajt e fundit, pas vizitës së ministrit Wadephul nëntorin e kaluar në Kosovë.