Kryeministri i Kosovës, Albin Kurti, ka njoftuar se ka zhvilluar një bisedë telefonike me ministrin e Jashtëm të Italisë, Anthony Tajani.
Në postimin e tij, kryeministri Kurti ka thënë se ministri Tajani e ka rikonfirmuar mbështetjen e Italisë për paqen dhe sigurinë në mbarë Republikën e Kosovës.
“E falënderova për kontributin e Italisë në zhvillimin, demokracinë dhe sigurinë tonë dhe e informova për situatën aktuale”, ka shkruar Kurti.
In a call last night, Italian DPM & MFA @Antonio_Tajani reaffirmed Italy's support for peace & security in the entire Republic of Kosova. I thanked him for Italy's contribution to our development, democracy & security and informed him on the current situation.
— Albin Kurti (@albinkurti) November 6, 2022
Me ministrin italian ka zhvilluar bisedë telefionike dhe presidenti i Serbisë, Aleksander Vuçiq, i cili përmes një postimi, ka thënë se ia ka shpjeguar qëndrimet e Serbisë.
“I shpjegova z. Antonio Tajani qëndrimet e Serbisë, lidhur me zhvillimet e fundit në Kosovë e Serbi, si edhe deri më tash, do të sillet me seriozitet dhe përgjegjësi, duke respektuar obligimet dhe vendosmërinë e saj për të ruajtur paqen dhe stabilitetin, të cilën Kosova e kërcënon me aktet e veprimet e njëanshme”, ka shkruar Vuçiq në Instagram.
Ndërsa, ministri Tajani për bisedën me Vuçiq-in, ka thënë se ka biseduar me presidentin serb për të riafirmuar përkushtimin e fortë për stabilitetin në Ballkan.
“Bisedova me presidentin serb, Vuçiq dhe kryeministrin e Kosovës, Kurti, për të riafirmuar përkushtimin tonë të fortë për stabilitetin në Ballkan. Informova Palazzo Chigi. Ne mbështetemi në udhëheqjen e tyre që bën thirrje për moderim dhe kundër veprimeve të njëanshme. Italia është një aktor kryesor për paqen”, ka shkruar Tajani në Twitter.