Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se bisedat me Milan Radoiçiqin ishin të para dy vjetësh.
“Aaa Festim, deklarata të vitit të kaluar janë këto, para dy vjete”, tha Kusari-Lila për “Betimi për Drejtësi” derisa po hynte në Kuvend.
“A ka qenë Kurti i njoftuar lidhur me këtë bisedë? A keni biseduar me Radoiçiqin për Ligjin e pagave?”, është pyetur Kusari-Lila, mirëpo e njëjta nuk është përgjigjur.
Ndryshe, gjatë së hënës [me 3 qershor] është publikuar një bisedë e shkurtër në mes të shefes së grupit parlamentar të Lëvizjes Vetëvendosje, Mimoza Kusari-Lila, dhe kriminelit serb, Milan Radoiçiq. Biseda më pak se një minutë ishte ndërmjetësuar nga Sllavko Simiq i Listës Serbe.
Për këtë sekuencë, e cila – nuk dihet se çka është folur këtu e tutje, gazetari Berat Buzhala i ka dërguar pyetje Mimoza Kusari-Lila, për t’ia konfirmuar bisedën e zhvilluar në qershor të vitit 2022. Biseda është zhvilluar në kohën kur Millan Radojçiq veçse pati hyrë në Listën e Zezë. Mimoza Kusari-Lila e kishte konfirmuar bisedën me Radojçiqin, por pati deklaruar se biseda është në gjuhën shqipe, raporton Nacionale. Sipas versionit të Kusari-Lilës, biseda kishte ndodhur pasi Simiq ia pati ‘lëshuar interfonin pa paralajmërim’.
E ish-nënkryetari i Listës Serbe, Slavko Simiq, në një përgjigje për Dukagjinin ka deklaruar se ka edhe biseda të tjera në mes të shefes se grupit parlamentar të Vetëvendosjes, Mimoza Kusari-Lila, dhe kryekriminelit, Milan Radojçiq.
Ka edhe biseda të tjera mes Kusari-Lilës e Radojçiqit, thotë Simiq
Kjo përgjigje erdhi nga Simiq erdhi pas publikimit të fundit të bisedës së Kusarit dhe Radojçiqit, gjë të cilën e cilësoi si “situatë të montuar” kryeministri, Albin Kurti.
Kurti për bisedën Kusari – Radoiçiq: S’e kam dëgjuar, është situatë e montuar
“Siç edhe kam deklaruar, ka edhe shume biseda te tjera qe kane ndodhur”, ka thënë Simiç.
Ndërkaq, edhe në Debat Plus është diskutuar kjo temë, ku analistët Ylli Hoxha e Visar Ymeri, theksuan se Kusari-Lila duhet të jap dorëheqje.
Hoxha për Kusari-Lilën: Duhet të japë dorëheqje, e ka humbur besueshmërinë
Ndërsa, gazetari Lirim Mehmetaj, ka thënë se kjo bisedë dëshmon lidhjet e Qeverisë Kurti me kriminelin Radojçiq.
Mehmetaj: Qeveria bashkëpunon me Radojçiqin, Kusari-Lila përbën rrezik nacional
E gazetari i Nacionales, Berat Buzhala, ku edhe u publikuan bisedat, ka deklaruar se është e pamendueshme që Kusari-Lila të ketë biseduar me Millan Radojçiqin pa koordinim me kryeministrin Kurti.
Biseda me Radojçiqin, Buzhala: Kush mendon që Mimoza fol pa koordinim me Kurtin, është i çmendur