Shefja e grupit parlamentar të VV-së, Mimoza Kusari-Lila në “Debat Plus”, ka thënë se gjatë ditës së sotme nuk ka menduar asnjëherë të jep dorëheqje.
“Asnjëherë të vetme”, ka thënë Kusari-Lila.
“E përmenda që situata në terren ka shkuar drejt përmirësimit dhe drejt ngushtimit dhe manovrimit të personave si Radojiçiqi, Veselenoviqi, Llune… Kjo e ka treguar që rrugëtimi ynë, në këtë rast si opozitë, është ai i drejti”, ka thënë Kusari-Lila.
Gjatë ditës së sotme gazeta Nacionale ka publikuar një audio-incizim, bisedë, ku përfshihej shefja e grupit parlamentar të VV-së Mimoza Kusari-Lila dhe Slavko Simiq. Kjo bisedë është bërë në zyrën e shefes së grupit parlamentar të Vetëvendosjes.
Në hyrje të bisedës, Slavko Simiq ia përmend Kusari-Lilës një bisedë që kjo e fundit e ka bërë me Milan Radojiçiqin.
Në bisedë, Simiç i thotë Kusari-Lilës, “ti e di që unë të kam lidhur me Millanin, keni biseduar rreth 30-40 minuta për gjetjen e ndonjë zgjidhje”, Kusari-Lila i thotë se “dy tre minuta”.