Të enjten e 14 korrikut, në Kuvendin e Kosovës do të zhvillohen dy seanca plenare, njëra nga të cilat është vazhdim i seancave të mbajtura më 16, 22 dhe 23 qershor, 1 dhe 6 korrik, ku në rend dite do të jetë votimi në lexim të dytë i projektligjit për deklarimin e pasurisë.
Seanca e parë pritet të nisë në orën 10:00, ndërsa e dyta pritet të nisë në orën 11:00.
Në rend dite në vazhdimin e seancës plenare do të jetë,
- Shqyrtimi i Raportit vjetor të Performancës së Zyrës Kombëtare të Auditimit për vitin 2021,
- Votimi i Raportit vjetor të Agjencisë Kosovare të Privatizimit, për vitin 2021.
- Votimi në lexim të dytë i Projekt-kodit nr. 08/L-032 të Procedurës Penale,
- Votimi në lexim të dytë i Projektligjit nr.08/L-132 për Ekzekutimin e Sanksioneve Penale,
- Votimi në lexim të dytë i Projektligjit nr.08/L-131 për Shërbimin Korrektues të Kosovës,
- Votimi në lexim të dytë i Projektligjit nr.08/L-129 për Shërbimin Sprovues të Kosovës,
- Votimi në parim i Projektligjit nr.08/L-121 për Byronë Shtetërore për Verifikimin dhe Konfiskimin e Pasurisë së Pajustifikueshme.
Ndërsa në rend dite në seancën plenare të re në orën 11:00 do të jetë,
- Deklarimet jashtë rendit të ditës,
- Pyetjet parlamentare,
- Shqyrtimi i Projektligjit nr.08/L-150 për ratifikimin e Traktit mbi Ndihmën e ndërsjellë juridike në çështjet penale ndërmjet Qeverisë së Republikës së Kosovës dhe Konfederatës Zvicerane,
- Shqyrtimi i dytë i Projektligjit nr. 08/L-103 për Sistemin e menaxhimit të performancës së komunave dhe skemën e grantit të bazuar në performancë,
- Miratimi i buxhetit të Komisionit Hetimor Parlamentar lidhur me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv rregullator dhe në ndërmarrje publike.