Kuvendi i Kosovës ka njoftuar se të hënën, më datë 1 shtator 2025, në orën 13:00 do të mbahet mbledhja konsultative e Kryesisë së Kuvendit, në vijim të përfundimit të seancës konstituive.
Lajmi është bërë i ditur nga Kuvendi përmes një njoftimi për media.Kuvendi i Kosovës ka njoftuar se të hënën, më datë 1 shtator 2025, në orën 13:00 do të mbahet mbledhja konsultative e Kryesisë së Kuvendit, në vijim të përfundimit të seancës konstituive.
Lajmi është bërë i ditur nga Kuvendi përmes një njoftimi për media.
Megjithatë, dy nga partitë kryesore parlamentare Partia Demokratike e Kosovës dhe Lidhja Demokratike e Kosovës, kanë shprehur qëndrime të njëjta në refuzimin e pjesëmarrjes në këtë mbledhje.
PDK ka reaguar duke e cilësuar si “të pakuptimtë” ftesën për mbledhjen e Kryesisë, duke argumentuar se Kuvendi ende nuk është konstituuar siç kërkohet nga Kushtetuta, për shkak se mungon përbërja e plotë e Kryesisë.
Në komunikatë për media, PDK thekson se ftesa nuk i shërben interesit të shtetit, por agjendave partiake, dhe e ka quajtur situatën “skajshmërisht të rrezikshme për vendin”.
Nga ana tjetër, deputetja e LDK-së, Hykmete Bajrami deklaroi se partia e saj nuk do të marrë pjesë në takimin e së hënës.
Bajrami e cilësoi si shkelje flagrante të Kushtetutës mbylljen e seancës konstituive pa zgjedhjen e të gjithë nënkryetarëve, duke theksuar se vendimi për mbyllje është në kundërshtim me Rregulloren e Kuvendit dhe vendimin e Gjykatës Kushtetuese.
Ajo gjithashtu akuzoi Vetëvendosjen për bllokadë institucionale me qëllim të pengimit të formimit të qeverisë të re. /Telegrafi