Emisari i Bashkimit Evropian për dialogun Kosovë- Serbi, Miroslav Lajçak, ka treguar se në Forumin Botëror Ekonomik në Davos të Zvicrës, ka ngritur çështjen për avancim të dialogut mes Kosovës dhe Serbisë.
Ai është takuar me kryeministrin e Republikës së Kroacisë, Andrej Plenkoviq, të cilin ka thënë se e ka informuar mbi situatën aktuale në Ballkanin Perëndimor dhe për dialogun për normalizimin e marrëdhënieve mes Kosovës dhe Serbisë.
Tutje, Lajçak ka shkruar se Kroacia si anëtare e BE-së luan një rol të rëndësishëm në procesin e dialogut.
“Bisedë shumë e dobishme në margjinat e Forumit Ekonomik me kryeministrin e Kroacisë, Andrej Plenkoviq, për situatën aktuale në Ballkanin Perëndimor dhe dialogun për normalizimin e marrëdhënieve ndërmjet Kosovës dhe Serbisë. Si një fqinj i drejtpërdrejtë dhe anëtar i BE-së, Kroacia ka një rol të rëndësishëm për të luajtur”, ka shkruar Lajçak.
Very useful conversation in the margins of #wef23 with 🇭🇷PM @AndrejPlenkovic about the current situation in the Western Balkans and the Dialogue on normalisation of relations between Kosovo and Serbia. As a direct neighbor and 🇪🇺 member, Croatia has an important role to play. https://t.co/PS4IWUt7wR
— Miroslav Lajčák (@MiroslavLajcak) January 18, 2023
Se një takim i tillë është realizuar për të biseduar lidhur me dialogun mes Kosovës dhe Serbisë, e ka potencuar përmes një postimi edhe vetë kryeministri i Kroacisë, Andrej Plenkoviq.
“Takimi me përfaqësuesin special të BE-së për dialogun ndërmjet Beogradit dhe Prishtinës”, ka shkruar ai në Twitter.
Susret s posebnim predstavnikom EU za dijalog
Beograda i Prištine @MiroslavLajcak. #wef23 pic.twitter.com/1nh14xcbtn— Andrej Plenković (@AndrejPlenkovic) January 18, 2023