Lajçak bisedon me kryeministrin kroat për dialogun dhe normalizimin e marrëdhënieve Kosovë-Serbi

Emisari i Bashkimit Evropian për dialogun Kosovë- Serbi, Miroslav Lajçak, ka takuar në Davos të Zvicrës, kryeministrin kroat, Andrej Plenkoviq, të cilin e ka informuar për situatën në Ballkanin Perëndimor, dialogun dhe normalizimin e marrëdhënieve mes Kosovës dhe Serbisë

Ilustrim

Emisari i Bashkimit Evropian për dialogun Kosovë- Serbi, Miroslav Lajçak, ka treguar se në Forumin Botëror Ekonomik në Davos të Zvicrës, ka ngritur çështjen për avancim të dialogut mes Kosovës dhe Serbisë.

Ai është takuar me kryeministrin e Republikës së Kroacisë, Andrej Plenkoviq, të cilin ka thënë se e ka informuar mbi situatën aktuale në Ballkanin Perëndimor dhe për dialogun për normalizimin e marrëdhënieve mes Kosovës dhe Serbisë.

Tutje, Lajçak ka shkruar se Kroacia si anëtare e BE-së luan një rol të rëndësishëm në procesin e dialogut.

“Bisedë shumë e dobishme në margjinat e Forumit Ekonomik me kryeministrin e Kroacisë, Andrej Plenkoviq, për situatën aktuale në Ballkanin Perëndimor dhe dialogun për normalizimin e marrëdhënieve ndërmjet Kosovës dhe Serbisë. Si një fqinj i drejtpërdrejtë dhe anëtar i BE-së, Kroacia ka një rol të rëndësishëm për të luajtur”, ka shkruar Lajçak.

Se një takim i tillë është realizuar për të biseduar lidhur me dialogun mes Kosovës dhe Serbisë, e ka potencuar përmes një postimi edhe vetë kryeministri i Kroacisë, Andrej Plenkoviq.

“Takimi me përfaqësuesin special të BE-së për dialogun ndërmjet Beogradit dhe Prishtinës”, ka shkruar ai në Twitter.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika