Nga sot (e hënë), Portali D i është bashkangjitet korporates Dukagjini si produkti më i ri i saj.
Krahas një mijë e 500 portaleve në relacionin Kosovë-Shqipëri, portali D është portali më i ri në vend. Pas një muaji përgaditjesh, portali D është tashmë i çasshëm për publikun.
Për rëndësinë e pjesëmarrjes së një portali në këtë kompani, është shprehur drejtori i programacionit, Fiton Dibrani.
“Ka qenë e rëndësishme se Dukagjini veçse ka qenë media mjaftushëm e etabluar ne skenën tonë mediale, e ka Radion që është radioja më e dëgjuara në Kosovë, Televizionin e në këtë rast është shtuar edhe Portali”, ka thënë Dibrani gjersa ka shtuar se qëllimi i këtij portali do të jetë raportimi i së vërtetës dhe interesi i publikut.
“Secila media e re është një festë, është një zë tjetër, një mundësi për të marrë një informcion në një formë tjeter”, ka shtuar ai.
Për lansimin e këtij portali është shprehur edhe redaktori i tij, Ridvan Emini.
‘Dukagjini tashmë është dëgjuar dhe shikuar, dhe tani është koha për t’u lexuar”, ka thënë Emini.
Portali D është media e parë e shkruar nga Korporata Dukagjini.