Të hënën (nesër) do t’i kthejë përgjigjet Komisioni Qendror i Zgjedhjeve (KQZ) tre kryesuesve të kuvendeve komunale të Leposaviqit, Mitrovicës së Veriut dhe Zubin Potokut.
Këtë e ka bërë të ditur për Dukagjinin, zëdhënësi i KQZ-së, Valmir Elezi.
“Gjatë ditës së hënë do t’i përcjellim përgjigjet zyrtare lidhur me dy pyetjet që kanë parashtruar në adresë të KQZ-së të tre kryesuesit e kuvendeve komunale për Leposaviq, Mitrovicë të Veriut dhe Zubin Potok. Sigurisht se përmbajtjen e përgjigjes do ta bëjmë publike”, ka thënë Elezi.
E para pak ditësh KQZ pranoi kërkesat e kryesuesve të Kuvendeve Komunale në Leposaviq, Mitrovicë të Veriut dhe Zubin Potok për procedurën e largimit të kryetarit të komunës.