Besian Mustafa dhe Berat Rukiqi, nga Lidhja Demokratike e Kosovës (LDK), e kanë dërguar sot në Gjykatën Kushtetuese Ligjin për Fondin Sovran.
Po i njëjti ligj ishte paralajmëruar se do të dërgohet në Kushtetuese edhe nga Partia Demokratike e Kosovës (PDK).
Ndryshe, Kuvendi i Kosovës ka miratuar të premten e kaluar në lexim të dytë Projektligjin për Fondin Sovran.
62 deputetë, kryesisht të pozitës, sa ishin të pranishëm në sallë, votuan pro këtij projektligji, asnjë kundër dhe asnjë abstenim.
Si pjesë e Projektligjit për Fondin Sovran në lexim të dytë u përfshinë 47 amendamente.