Grupi parlamentar i Lidhjes Demokratike të Kosovës, nga ora 14:00, do të organizojë tryezë diskutimi për projektbuxhetin e vitit 2024.
Sipas deputetit të LDK-së, Avdullah Hoti, të ftuar në këtë tryezë janë odat ekonomike, sindikatat, shoqëria civile dhe ekspertë të ekonomisë.
“Me buxhetin e vitit 2024, kjo qeveri ka menaxhuar katër buxhete vjetore, në vlerë prej mbi 11 miliardë euro dhe nuk lanë asnjë shenjë në ekonomi”, ka shkruar Hoti në rrjetin social Facebook.
Kujtojmë se kjo tryezë do të mbahet në hapësirat e Kuvendit të Kosovës, e cila po ashtu është e hapur edhe për qytetarë.