I pari i Lidhjes Demokratike të Kosovës(LDK), Lumir Abdixhiku, përmes një postimi në Twitter e ka uruar presidentin e Francës, Emmanuel Macron, për fitoren në zgjedhjet presidenciale.
Ai përmes këtij urimi ka thënë se, një Francë e fortë është një garanci për një Evropë të fortë.
“Urime Macron për rizgjedhjen historike dhe vrullin e ri për kontinentin tonë. Një Francë e fortë është një garanci për një Evropë të fortë”, ka shkruar Abdixhiku.
Congratulations @EmmanuelMacron on historic re-election & new momentum for our continent. A strong France is a guarantee for a strong Europe.
Time for visa liberalization for our citizens; and for a renewed commitment towards the Western Balkans!
— Lumir Abdixhiku (@LumirAbdixhiku) April 24, 2022
Abdixhiku ndër të tjera ka shtuar se është koha që kosovarëve t’iu liberalizohen vizat.
Ndërsa i pari i Partisë Demokratike të Kosovës(PDK), Memli Krasniqi, ka thënë se rizgjedhja e Macronit i jepi shpresë projektit evropian.
“Ai gjithashtu forcon perspektivat për të ardhmen e Kosovës brenda BE-së”, ka shkruar Krasniqi.
Great news from #France. Re-election of President @emanuelmacron gives hope to the #European project. It also strengthens prospects for #Kosovo's future within #EU. Toutes nos félicitations!
— Memli Krasniqi (@MemliKrasniqi) April 24, 2022
Ndryshe, edhe krerët e shtetit e kanë uruar Macron për fitoren.
Kryeministri i Kosovës, Albin Kurti, ka shkruar në Twitter se fitorja e Macron është një shpresë mbi frikën, dhe një shans i ri për Francën që të ndihmojë të bashkojë Evropën në paqe, demokraci dhe solidaritet.
“Urime për Emanuel Macron në rizgjedhjen e tij. Është një fitore e shpresës mbi frikën dhe një shans i ri për Francën për të ndihmuar në bashkimin e Evropës në paqe, demokraci dhe solidaritet”, ka shkruar Kurti.
Congratulations to @EmmanuelMacron on his re-election. It’s a victory of hope over fear and a new chance for France to help unite Europe in peace, democracy and solidarity.
Looking forward to continue our cooperation & promote our common values.
— Albin Kurti (@albinkurti) April 24, 2022
Edhe presidentja e Kosovës, Vjosa Osmani, e ka uruar Macron, për fitoren në zgjedhjet presidenciale.
Ajo përmes këtij urimi ka thënë se Franca “është mbështetja kyçe për rrugën tonë të qëndrueshme euroatlantike”.
Ndër të tjera, ajo ka shtuar se “pres me padurim forcimin e bashkëpunimit dhe thellimin e marrëdhënieve tona të shkëlqyera dypalëshe.”
I congratulate President @EmmanuelMacron on his re-election tonight.
I look forward to strengthening cooperation & deepening our excellent bilateral relations.
🇫🇷's support is key for our firm Euro-Atlantic path.
— Vjosa Osmani (@VjosaOsmaniPRKS) April 24, 2022
Ndryshe, presidenti francez, Macron ka fituar mandatin e dytë, i cili, sipas të dhënave të para, thuhet se ka fituar 58.2 për qind të votave.
Kështu ka raportuar France 24, duke iu referuar rezutateve të Institutit të anketimeve, Ipsos, ku theksohet se Macron ka lënë pas rivalen e tij të së djathtës ekstreme, Marine Le Pen.
Megjithatë, Marine Le Pen, ka shprehur mirënjohjen për njerëzit që e votuan.
Liderë të Bashkimit Evropian si presidenti i Këshillit Evropian, Charles Michel, presidentja e Komisionit, Ursula von der Leyen, e kanë uruar Macronin për fitoren.
Ai kishte fituar mandatin e tij të parë në zgjedhjet presidenciale më 7 maj të vitit 2017.
Macron është bërë presidenti i parë në historinë moderne të Francës që ka fituar mandat të dytë dhe ka shumicë parlamentare.