Lista Serbe i kërkoi presidentit të Serbisë, Aleksandër Vuçiq, që të pezullojë çdo pjesëmarrje të Serbisë në dialogun me Kosovën dhe pjesëmarrjen e përfaqësuesve të tij në çdo bisedë me përfaqësuesit e Kosovës në Prishtinë, derisa të tërhiqen të gjitha forcat speciale të Kosovës nga veriu, dhe derisa të tërheqin të gjitha forcat nga “ndërtesat e pushtuara” dje të autoriteteve komunale.
Pas kthimit nga Beogradi, ku morën pjesë në tubimin e Vuçiqit, “më i madhi ndonjëherë në historinë e Serbisë”, ata mbajtën një konferencë urgjente për media, teksa grupe qytetarësh, së bashku me punonjës të autoriteteve të Kosovës, kundërshtuan forcat e forta të Policisë së Kosovës.
Në konferencën e mbajtur gjatë kësaj të shtuneje kanë marrë pjesë kryetari i Listës Serbe, Goran Rakiq, së bashku me Dragisha Milovic dhe Milan Radojeviq.
Rakiq falënderoi qytetarët për ruajtjen dinjitoze dhe paqësore.“Faleminderit për të gjithë ata që u përpoqën dje dhe e bënë të qartë se ne nuk donim atë që i takonte dikujt tjetër, ne donim vetëm të ruanim atë që ishte e jona”, tha Rakiq.
Ai “falenderoi” komunitetin ndërkombëtar që, siç tha ai, “e ka treguar dje fytyrën e vërtetë dhe hipokrizinë”.
Rakiq ka thënë se Lista Serbe ka qenë në kontakt me ta gjatë gjithë kohës dhe se përfaqësuesit ndërkombëtarë kinse i kanë siguruar dhe premtuar se do të vendosin KFOR-in për të parandaluar inkursionet e dhunshme në objektet komunale. “Fatkeqësisht ne jemi dëshmitarë dhe ju të nderuar bashkëqytetarë jeni dëshmitarë se nuk e realizuan atë premtim”, tha Rakiq, raporton Kossev.