Lituania ka vendosur “dhëmbë dragoi” – struktura piramidale të dizajnuara për të ndalur tanket – përgjatë kufirit me enklavën ruse të Kaliningradit.
“Barrierat e instaluara janë vetëm një pjesë e një tabloje më të gjerë dhe të integruar”, u shpreh komandanti i ushtrisë lituaneze, Raimundas Vaiksnoras.
Ky veprim vjen si pjesë e masave të reja mbrojtëse që po ndërmerr shteti baltik me synim frenimin e çdo agresioni të mundshëm rus, raporton Euronews.
“Po fillojmë nga niveli taktik – me pengesa të caktuara në kufi – dhe më pas do ta bashkojmë të gjithë planin inxhinierik në një sistem konceptual”, theksoi Vaiksnoras.
Ndërkohë, Ministria e Mbrojtjes e Lituanisë e ka cilësuar këtë si një hap paraprak që synon të forcojë më tej mbrojtjen e vendit.