Shfaqja teatrore “Burgu politik” do të luhet në Muzeun e Burgut në Prishtinë për të kujtuar shkrimtarin e politikanin, Adem Demaçin dhe aktivistin Ukshin Hotin. Tematika e shfaqjes është përndjekja e tyre politike si pasojë e veprimtarisë intelektuale.
Për shkak se shfaqja “Burgu politik” përmban skena të ndjeshme, pjesëmarrja në shfaqje lejohet vetëm për moshat mbi 18 vjeç. Në të njëjtën kohë, preferohet që personat të cilët nuk janë në gjendje të mirë shëndetësore dhe personat që kanë frikë të qëndrojnë në hapësira të mbyllura të mos e shikojnë shfaqjen.
Shfaqja teatrore “Burgu Politik”, në kujtim të Adem Demaçit dhe Ukshin Hotit është mundësuar nga organizata “ETEA” me mbështetje nga Ministria e Kulturës, Rinisë dhe Sportit.
Kjo shfaqje teatrore është realizuar nga regjisorët Kaltërim Balaj dhe Kushtrim Mehmeti. Dramaturgët e shfaqjes janë Pashtrik Brahaj dhe Florent Kurtalani.
Ndërsa aktorët e shfaqjes janë Fitore Jashari, Mikel Markaj, Shaban Behramaj, Art Pasha, Blendon Ahmeti dhe Lorent Pacolli, dhe muzika në shfaqje kompozohet nga Lulzim Lushtaku.