Fituesi i zgjedhjeve parlamentare në Hungari, Peter Magyar, i është drejtuar mijëra qytetarëve të mbledhur në Budapest për të festuar fitoren.
Ai deklaroi se partia e tij Tisza dhe vetë Hungaria kanë fituar zgjedhjet.
“Ne e bëmë. Tisza dhe Hungaria i fituan këto zgjedhje”.
Magyar shtoi se së bashku e çliruan Hungarinë dhe i dhanë fund, siç u shpreh ai, regjimit të Orbanit.
“Së bashku, ne çliruam Hungarinë dhe rrëzuam regjimin e Orban-it”, ka deklaruar ai para turmës.
Ai theksoi se kjo nuk do të ishte e mundur pa qytetarët që e mbështetën.
Sipas tij, pjesëmarrja në këto zgjedhje ka qenë ndër më të lartat në historinë e demokracisë hungareze.
Ai u shpreh se Tisza jo vetëm që fitoi zgjedhjet, por sipas rezultateve, është në rrugë drejt një shumice të fortë prej dy të tretash në parlament, gjë që do të mundësonte një tranzicion të qetë të pushtetit.
Magyar akuzoi gjithashtu qeverinë e mëparshme se ka përdorur të gjitha mjetet për të penguar Tisza-n, përfshirë edhe, sipas tij, shërbimet e inteligjencës kundër partisë së tij. Ai tha se me këtë fitore “e vërteta triumfoi mbi gënjeshtrat”.
Ai deklaroi se “sot fitoi dashuria” dhe falënderoi qytetarët hungarezë “që nuk patën frikë”.