Malala Yousafzai, u kthye në Pakistanin e saj, ku u takua me familjet e prekura nga përmbytjet masive.
Yousafzai ka vizituar komunitetet që janë dëmtuar më shumë nga këto përmbytje të vendit, ka shkruar BBC-ja.
Yousafzai u bëri thirrje vendeve të botës të dhurojnë më shumë ndihma, për të ndihmuar ata që janë prekur nga vërshimet.
Malala Yousafzai është fituesja e Çmimit Nobel për Paqe, që e kishte fituar atë në vitin 2014, kur ka qenë 17-vjeçare. Kryesisht, Yousafzai është vlerësuar për punën e saj, për tërheqjen e vëmendjes globale për kërcënimin ndaj arsimit të vajzave në Pakistan.
Përmbytjet në Pakistan kanë filluar më shumë se një muaj më parë dhe kanë përfshirë deri tani afro 33 milionë njerëz, mirëpo pjesa më e madhe e viktimave janë fëmijë.
Madje, lidhur me këtë edhe OKB-ja dhe UNICEF-i u kanë bërë thirrje gjithë botës për të ndihmuar Pakistanin.