Në Mal të Zi, derivatet do të jenë më të lira për më shumë se 20 cent për litër.
Kjo pasi të enjten, Kuvendi ka miratuar amandamentet e ligjit që do të thotë që taksat e vlerës së shtuar (TVSH) për ushqimet bazë do të hiqet ose ulet përkohësisht.
Ndryshimet në Ligjin për Akciza dhe Ligjin për TVSH, janë përgatitur nga Qeveria e kaluar, ndërsa e reja ka mbetur pothuajse me të njëjtat zgjidhje të propozuara.
Në amandamente parashikohet ulje e akcizës për karburantet deri në 50 për qind, heqja e përkohshme e TVSH-së për miellin dhe vajin ushqimor dhe uljen e TVSH-së për kripën në shtatë për qind.
Ministri i Financave, Aleksandar Damjanoviq, ka paralajmëruar se akciza për derivatet do të ulet për 40 për qind për momentin, që me çmimet aktuale do të thotë ulje e çmimit të naftës për 21,3 cent dhe benzinës për 26,6 cent.
Çmimet e reja të karburanteve pritet të zbatohen të hënën ose të martën.
Kuvendi i Malit të Zi ka vendosur që nga një qershori, të rrisë çmimin e një pakete cigaresh me rreth dhjetë cent më shumë.
Disa deputetë të Kuvendit, kanë shprehur dyshimet e tyre se qytetarët do të përfitojnë ulje të TVSH-së për produktet bazë, sepse nuk besojnë se tregtarët nuk do të ulin çmimet.