Hoxha, Labinot Maliqi ka rrëfyer përvojën e tij me institucionet e drejtësisë ku ky i fundit kishte raportuar kërcënimet me jetë që i kishte marrë. Ai e ka akuzuar Prokurorinë ku ka thënë se atij mund t’i ndodh ndonjë e keq sepse Prokuroria i ka lënë të lirë kërcënuesi e tij.
“Nëse diçka ndodh, le të dihet se fajtore është prokuroria e Kosovës”, ka shkruar në Facebook, Maliqi.
Sipas tij, ai kishte marrë në 5 muajt e fundit tri kërcënime me jetë, për të cilat i ka njoftuar Policinë e Kosovës dhe Prokurorinë.
“Polica edhe Prokuroria e Kosovës janë plotësisht në dijeni dhe i njohin personat në fjalë. Përkundër kërkesës sime për të më ofruar siguri e mbrojtje, prokuroria i ka lënë të lirë këta persona”, ka theksuar ai.
“Kaq për vrasjet e fundit nën qiellin e pastërt të Republikës sonë”, ka shtuar Maliqi.
Ai ka përfunduar me një ajet nga Kurani pasi institucionet nuk kanë dhënë sigurinë e mjaftueshme dhe se ai i është mbështetur besimit të tij.