Ministri i Mbrojtjes, Ejup Maqedonci ka njoftuar se kadetët e Forcës së Sigurisë së Kosovës kanë përfunduar marshimin prej 12.8 km në rrethinën e liqenit të Batllavës.
Maqedonci përmes një postimi në “facebook” ka shkruar se me disiplinë, vendosmëri dhe një frymë të fortë bashkëpunimi ata treguan edhe një herë përgatitjen dhe përkushtimin e udhëheqësve të ardhshëm ushtarak.
“Një tjetër marshim i suksesshëm prej 12.8 km i përfunduar nga kadetët tanë në rrethinën e liqenit të Batllavës, përkundër kushteve të rënda atmosferike me temperatura të ulëta dhe reshje të dendura bore. Me disiplinë, vendosmëri dhe një frymë të fortë bashkëpunimi, ata dëshmuan edhe një herë përgatitjen dhe përkushtimin e udhëheqësve tanë të ardhshëm ushtarak. Krenarë për suksesin dhe shpirtin e tyre të palëkundur”, ka shkruar Maqedonci.