Ambasadorit të Federatës së Rusisë në Maqedoninë e Veriut, i është dorëzuar një notë diplomatike, sipas së cilës, pesë diplomatë të saj janë shpallur persona “non grata”.
Sipas informacioneve nga Ministria e Punëve të Jashtme, diplomatët rusë kanë kryer aktivitete në kundërshtim me Konventën e Vjenës për Marrëdhënie Diplomatike.
“Diplomatët rusë do të duhet të largohen nga territori i Republikës së Maqedonisë së Veriut në pesë ditët e ardhshme”, thuhet në njoftimin e MPJ-së maqedonase.
Në maj të vitit të kaluar, kjo ministri ka shpallur “non grata” edhe diplomatin rus Sergej Aleksandroviç Bazdikin.
Sipas nenit 9 të Konventës së Vjenës, “shteti në të cilin është akredituar diplomati mund në çdo kohë dhe pa ndonjë detyrim, të shpjegojë vendimin e tij, të informojë shtetin akreditues se drejtuesi ose ndonjë anëtar i stafit diplomatik të misionit është person “non grata” (i padëshiruar) ose ndonjë anëtar tjetër i stafit të misionit është i padëshiruar”.
Arsyeja për shpalljen e tij, si person i padëshiruar, kishte të bënte me veprime që nuk përputhen me sjelljen e pritur nga ana e një diplomati të huaj, që shërben në një vend mikpritës.