Në 24-vjetorin e masakrës në Burgun e Dubravës, kryeministri i Kosovës, Albin Kurti, kryeparlamentari Glauk Konjufca e qindra të mbijetuar e familjarë të tyre, kanë bërë homazhe pikërisht në vendin ku ka ndodhur ngjarja.
Edhe presidentja e Kosovës, Vjosa Osmani, ka përkujtuar 24-vjetorin e masakrës së Dubravës, duke thënë se kjo masakër është ndër krimet më të tmerrshme të regjimit kriminal serb në vitin 1999.
Presidentja Osmani ka shtuar se drejtësia për viktimat dhe të mbijetuarit do të jetë triumfi i së vërtetës.
Në këtë masakër ishin vrarë rreth 117 persona dhe ishin plagosur rreth 200 të tjerë, shumica të nacionalitetit shqiptar.
Kjo masakër zgjati disa ditë, përkatësisht nga 19 deri më 24 maj 1999.