Kryetari i Partisë Demokratike të Kosovës(PDK), Memli Krasniqi, ka njoftuar nëpërmjet një statusi në Facebook, se i ka mbledhur deputetët e subjektit të tij dhe kryetarët e komunave që udhëhiqen nga PDK, së bashku me kryesin e partisë, për tu bërë gati për sesionin vjeshtor politik, duke i koordinuar agjendat e tyre politike.
“Gjendja socio-ekonomike dhe politike në vend po përkeqësohet çdo ditë e më shumë”, ka shkruar i pari i PDK-së Memli Karasniqi.
Krasniqi, ka sqaruar se inflacionin në nivel rekord në Kosovë është duke shkaktuar krizë ekonomike sepse janë shtrenjtuar produktet esenciale në shifra enorme.
“Qeveria ka imponuar stagnimin në të gjitha fushat, që ka ndikuar drejtpërdrejt në përkeqësimin e jetës së qytetarëve tanë … duke rrënuar arritjet e deritashme”.
“Grevat e sindikatave dhe ndërprerja e mësimit për fëmijët tanë, mungesa e investimeve kapitale, diskriminimi i skajshëm që Qeveria po ua bën komunave dhe shumë probleme të tjera kërkojnë trajtim dhe veprime emergjente”, ka shtuar ai.
Sipas tij, qytetarët janë të vetëm në këtë krizë ekonomike sepse Qeveria Kurti 2, i ka braktisur ata.
Por, ai është shprehur se partia e tij e cila si parti siç shprehet ai, shtetformuese, por edhe si lider i opozitës, e kanë prioritet interesin shtetëror e qytetar.
“PDK do të angazhohet maksimalisht në të gjitha format dhe kapacitetet për të dhënë kontributin e vet, në të gjitha nivelet e vendimmarrjes … edhe që udhëheqë me 8 komuna, ndërsa bashkëqeveris në 9 sosh”, ka thënë Krasniqi.
Ai ka përfunduar duke thënë se PDK do të jetë e angazhuar që t’iu gjendet sa më afër qytetarëve në periudhën e tyre më sfiduese të pasluftës.